فرحه الست جمـــــالات..!!

طبعا الست جمالات دى ست غلبانه ومعها خمس من العيال واظرفهم البت تحيات ..وزوجها الاسطى بركات وهو عباره عن حائط مائه وثمانتين فى سبعين فى خمسين وطبعا حضرتك ممكن تسال الخمسين دى بتاعه ايه وهى عمق الاسطى بركات يعنى دولاب متحرك يصدر ضجيج مزعج عند دخوله البيت عند الست جمالات ..وهى ببترعب منه وتخاف منه خوفها من الميه المغليه وانت حطط راسك فيها وهم بيعذبوك فى سجن ليمان طره وحمزه البسيونى وصلاح نصر بيتفرجوا عليك سنه ثمانيه وستون ؟؟؟..وبتخاف منه زى ما حضرتك بتخاف من تعبان زنقك فى اوده ضيقه ضلمه والباب مغلق من الخارج ومفيش حد بره يفتحكلك ..تخاف منه زى ما حضرتك بتخاف من الست رايه وسكينه وانت لسه مش متخدره ومش ناوين يخدروك وناوين يدبحوك على الصاحى ..وبالملخص المفيد هى بتخاف منه اوى خالص




المهم الست جمالات حست انها متغيره شويه يعنى بتتقئ الصبح وحست ان معدتها مقلوبه عليها شويه ..يا خبر ابيض يحسن تكون حامل وجوزها حالف عليها ميه يمين من عشر سنين انها لو بقت حامل هيشرب من دمها ويحط السيخ المحمى فى صرصرو ودنها... ويخلى نهارها زى ليلها من غير قمر ولانجوم طبعا ممكن تقولى ازاى هاقولك يحط قطره ميه نار على عينها فتتعمى وما تشوف خالص ..واضح كده ..!!!


ومرت عده ايام واصبحت الست جمالات شبه متاكده انها حامل ..يا خبر ابيض ..الدنيا لفت بيها العالم كله الاقصر واسوان واسكندريه ودمياط ولفت بيها اكثر وطلعتها بره مصر وودتها السودان والصومال طبعا مش مع معقوله ان الدنيا تلف بيها فى حته نضيفه ...


يا ويلى خالص يا جمالات رحتى فى ستين داهيه واتخرب بيتك يا جمالات ..


هتروحى من الاسطى بركات فين يا جمالات ...



يا ستى مش كده انت هتموتى نفسك براحه وكل حاجه لها حل وممكن برضه حد يكلم الاسطى بركات ..بس اهدى شويه وبطلى عياط



يا ستار يارب هو مين اللى بيتكلم ده ...يظهر اننى اتجننت ..وتلفت يمينا ويسارا ومش لقى حد ..يظهر ان فى عفريت لبسنى ولا ايه ..خلاص عقلك خف يا جمالات



يا ستى انت مش مجنونه ولا حاجه ..ده انا اللى باكتب الموضوع اللى حضرتك فيه ..!!



موضوع ..موضوع ايه ده بقه يا اخوى ..فعلا يبقى انا اكيد اتجننت ..بس انا سمعه الصوت جاى من جوه نافوخى



يا ستى اهدئى وان افهمك انا د. ابراهيم وانا متعاطف معك جدا خايف عليك من الاسطى بركات وباكتب


موضوعك وباحاول اشوفلك حل فى المشكله فاهدئ وبطلى صريخ علشان اركز



طيب يا اخوى ..(وفى سرها انا اسكت يمكن العفريت يروح ويسبنى )..ضعيتى يا بت جمالات والعفريت هو اللى هيحل المصيبه بتاعتك ؟؟؟

ايوه كده يا جمالات خلينا نشوف شغلنا بقه

ماما ..........انا جعانه انا عايزه ااكل .


بس ياتحيات وكفايه صريخ وانا ناقصك دانتى رخمه بشكل


يا ممممممممممممممماما انا احاموت من الجوع ..


طيب روحى اطفحى الاكل عندك فى التلاجه


تعملى ايه يا جمالات


تعملى ايه يا جمالات


ايوه مفيش غير انى اروح للدكتوره سعديه الدايه اللى فى الحاره اللى جانبنا واهى تشوفنى وتشور على بس


بس يا سيدى الست جمالات افتكرت انها عملت عمليه ربط انابيب وهى بتولد البنت تحيات اصل حصل نزيف والدكتاره اضطروا لعميله قيصريه علشان الرحم انفجر من كتر كلبظه البنت تحيات وكانت نسيه الحكايه من كتر هم العيال وطلبات الاسطى بركات .. وطبعا هى مش حامل ولاحاجه واتحلت المشكله طبعا ممكن اى واحد ينسى ولا الست جمالات مش بنى ادم ؟؟..والست جمالات فرحت كبيره والفرحه كانت اشد واقوى واطول من فرحه اخونا فرحات واخونا الدكتور مرجان
الحمد لله نفدت بجلدك يا جمالات



شفت بقه يا حدق اتحلت ازاى فى دقيقه واحده وانت دايما مستعجل وعايز كل حاجه زى ما انت عايز ومش بتدى فرصه لغيرك يعبر عن نفسه


كفايه كده..والموضوع خلص وده اخر كلام بينى وبينك ايها العضو الغير مريح