اذا مات الصدق فينا نموت ونندفن يمه

اذا مات الصدق فينا نموت ونندفن يمه



أحبك أحبك أحبك ماهي بس كلمة..!

لكل من جاء بدون شعور أنا أحكيها

بلا احساس

وبلا معني

ولا ذمة...!!

تموت الكلمة في صدري بما فيها
ولا أني أقولها لانسان وهي في الأصل ماتهمه

كبيرة حيل هالكلمة

وبالله انك فهمتيها

تبين لك أنا أشرحها كأنك جد مهتمة؟!!

}}بسيطة{{



اخذي لك طفلة وعلى ايدك ربيها
وعطيها من حنان قلبك
حنان يغطي هالأمة
وبعد ماتكبر بحضنك
لأهلها روحي وديها..!
وشوفي حالتك بعدها كيف منغمة..!!
إلى منك شعرتي صدق
خلاص انك فقدتيها
وهي كانت لك الدنيا
ونبض القلب ودمه
وفجأة اختفت عنك وقالوا اليوم انسيها..
وانسي لما قالت لك أحبك حيل يايمه

}}بالله{{


بس أبي أعرف يجيلك قلب تنسيها..؟!!
وتعديها مجرد حلم بس الوقت ماتمه
وش يعني الحنان اللي من قلبك عطيتيها..؟!!
طبيعي هالعطاء مهما
نقص أو زاد في حجمة
غريزة نابعة من القلب
ولا تدرين وش فيها
وكانت قبل لاتنطق حكيها وقبل لا تتمه
تعرفين اللي بتقول فبل انتي تسأليها
غلاها وشهو يعنيلك..؟!!
غلا خالة...؟!!
غلا عمة...؟!!
أو هي مجرد طفلة مسكينة
وبعطفك حضنتيها..؟!!
وعادي لو خسرتيها..؟!!
طبيعي منتي مهتمة
أبي تعيشين هالقصة من أولها لتاليها


وأبي تعرفين وش المقصود منها ووش الحكمة..؟!!
ساعتها
بس بتعرفين أحبك ليه أدرايها...؟!!
وليه بالتحديد هالكلمة

ماهي بس كلمة

واذا كانت مشاعر صادقة والحب يحييها..
وترى ماهي حكاية غامضة وكلن حسب فهمه


كثير اشياء تثبتها
وكثير أشياء تنفيها
واذا مات الصدق فينا
نموت ونندفن يمه
ولا نعيش كذبه أنا وانتي مانبغيها
ترى درب الهوى متعب
كما اللي يصعد القمة
يبيله قلب مايتعب
وخطواته يهديها
لجل يقدر على المشوار ومايضعف أبد عزمة
شفتي شلون هالكلمة
كبيرة حيل معانيها


ولا أذكر قلتها الا لشخص ضلوعي تضمه
عرفتي انتي لي وش تعنين..؟!!



هذيك الطفلة عرفتيها...؟!!

مشكور على الموضوع الرائع