اذا كان رب البيت مطبلا فشيمة الابناء الرقص

والله من وين ابلش مو عارفة المثل شوي غريب بس هالايام بحس الجيل الواعد مظلوم شوي من الاهل، يعني احيانا بحس انه كل شي مسموح للاهل بس مابكون مسموح لأولادهم متل انه نحنا ممنوع نعلي صوت اغنية على التلفزيون ليش لانه الاهل بضوجوا وعيب علينا لانه منزعج الجيران ، بس وقت سماع الاخبار على التلفزيون بتلاقي الحارة من اولها لاخرها سامعة صوت التلفزيون، كانهم بيحضروا معنا وقتها بكونوا الاهل بيعلوا الصوت لانه سمعهم تقيل فبلا طول سيرة خليني احكيلكم هالقصة بين امي وجارتنا اسمعوا هالقصة واستمتعوا .......................




اجت جارتنا بيوم من الايام بتشكي لامي :والله ياجارتي هلكوني الاولاد طول نهار بالشارع لاعندهم ظهر ولامسا ولاكأنه عندهم بيت يضبهم والله كأنه البيت فندق وبس بيجوا يرتاحوا فيه .بترد امي عليها وبتحكيلها والله مو عارفة شو انصحك احسن شي كوني صديقة لاولادك وعرفيهم انه في عليهم مسؤولية ونظمي وقتهم .طبعا بترد جارتنا قبل ماتكمل امي نصيحتها وبتحكيلها :والله ماخليت طريقة ياحبيبتي حاولت بالعصبية والخناق مانفع حاولت بالمسايرة كمان مانفع, فبترد امي عليها بكل قلب طيب وبتحكيلها معناته مالك حل غير تطولي بالك عليهم وهلئ سن مراهقتهم وبدك تتحمليهم بمرارتهم وحلاوتهم .


بترد طبعا الجارة على امي وكلام امي مو عاجبها بنوب بنوب ،وبتأوللها لك نسيت صاحبتي بالدوام عم ترن علي وانا مواعدتها بدنا نطلع عسوق ونتسوق وبعد السوق بدي اروح للكوافيرة لانه عندي مناسبة المسا والله عندي مشاوير كتير ومو عارفة من وين ابلش ولالوين اروح والله ياجارتي كل يوم على هالحالة من مشوار لمشوار. طول النهار بالدوام وطول الليل بقضيها زيارات ومناسبات والله العمر بيخلص والدوارة مابتخلص.


هون عصبت امي عليها وحكتلها : جارتي بالله عليكي لاتآخذيني بس في كلمتين بتمي ولازم احكيهم , طبعا الجارة لاحبيبتي احكي كل الي بقلبك . فردت امي عليها وألتلها : والله لاتزعلي مني في متل يمكن اجا عبالي اسمعك ياه قال شو اذا رب البيت مطبل فشيمة الابناء الرقص ،، فجاوبت جارتنا وقالتلها لامي شو قصدك فجاوبت امي وقالتلها صرلك ساعة بتشكيلي من ولادك ووجعتلي راسي حتى ماضل احتمال ولاحل ماساعدتك فيه وهلئ جاي انتي مو عارفة تعدي بالبيت متل المكوك الحايك وال شو بتشكيلي من ولادك .


وهي حال كتير من الاهالي بشوفوا أغلاط ولادهم وبيعتبروها مصايب بس في حين هما بيغلطوا بلاقوا مليون عذر وعذر ال شو اذا راعي الغنم هيك فما عتب على الغنمات اذا سرحولهم شوي . وتوتة توتة خلصت الحتوتة نحكي ولانام . الى اللقاء في المقال القادم

ههههههههههههههههه