مغتربة : انا اشكي همي لكم ... ساعدوني الله يريح بالكم

وصلت حياة اربد رسالة من احد القراء . تحكي قصتها وتريد حلا . وتاليا نص الرسالة كما وردت بدون زيادة او نقصان :



حياة اربد- مغتربه السلام عليكم جميعا انا سيده متزوجه ومغتربه عن الاردن بسبب ظروف عمل زوجي مشكلتي انه امي مصابه بالسرطان وهي في مراحله الاخبره انا بسافر عالاردن كل فتره علشان اشوفها واكسب رضاها لكن صعب اضل بعمان بسبب اطفالي وصعب اتركهم مع ابوهم اللي بحاول ابين له اني قويه ومتماسكه و علشان ما ااثر عجو البيت شو ذنبه انكد عليه اذا عندي ظرف عائلي لكن بس يطلع عشغله بنهار تماما اصعب شي انه تكون عارف انك رح تفقد انسان عزيز عليك وخصوصا الام ثم الام بخاف من جرس التلفون او اي رساله نصيه بتوصلني حالتي النفسيه سيئه جدا وحاسه حالي رح انجن فعلا نعمه انه الموت بيجي فجأه انا بقرأ قران وبصلي وبدعي لربنا يخفف عنها لانه بتدمر بس اسمعها بتتوجع وما بقدر اخفف عنها مش عارفه كيف اتصرف لو يوصلني الخبر انا بحاول احكي معها لكن احيانا صعب ترد ذكرياتها معنا دمرتني جمعتنا برمضان والاعياد وكيف تطبخ الاكلات المفضله لكل واحد فينا ودعائها الي ولاخواني استقبالها بس ندخل عالبيت ما في اروع من الام انا بكتبلكم وانا ببكي مش عارفه كيف ممكن اتحمل خبر وفاتها لا اعتراض على قضاء الله لكن الفراق صعب لا اله الا الله ولا حول ولا قوة الا بالله --- امي الان بالبيت لانه ما في فائده من وجودها بالمستشفى ساعدوني الله يريح بالكم.
[ندعوك للتسجيل في المنتدى أو التعريف بنفسك لمعاينة هذه الصورة]

شكرا اخي ابرهيم على الموضوع الهم اللهم اكسبنا ريضيت الولدين ورضك فوق كلي شياء