امثال شعبية من التراث السوري

وهي كمشة كمان

1 – ما بعد الضيق إلا الفرج ، يا قعدة عند باب الفرج ( للشحادة ) ، يا نزلة تحت الدرج ( القبر )

2 – دقوا بالحارة طبل ما بقي للأرعن عقل .....

3 – طزيز وعاللوج ... ( تقال لمن يريد المكافأة دون أن يقدم شيئاً )

4 – الطبع يلي بالبدن ما بغيروا إلا الكفن ....

5 – إش ما طبخت العمشا بجي جوزا بتعشا ( تقال للرجل الذي لا رأي له ) ....

6ـ المنحوس منحوس ولو علقوا على باب بيتوا فانوس

,وان شعلو بينطفي ,وان ازلو بنوس.

7ـ خود لبنتك الاصيل ولو كان عا الحصير

8ـ اللي بدق الباب بيسمع الجواب

9ـ كول فو ل وامشي عا الاصول

10 - يارايح كتر الملايح

11- طوله طول النخلة وعقله عقل السخلة

12-ارعة بمشطين وحولة بمكحلتين

13-عمرا سجرة ما وصلت لربا.

14-قالو للفارة بوسي ايد القطة و خدي لك ليرة قالت : الأجرة مليحة بس الدورة على إلي بيسلم .

15-كل فوله مسوسة الها كيال اعور

16-الله يسعدو و يبعدو.

17-البغير عادتو بتقل سعادتو.

18-الكويسة كويسة من فيقت مناما و البشعة بشعة من طلعة حماما.

19- عيشة الفهيم مع البهيم سقم وعمى

20- قالوا العاطل صير منيح قال بيصرلي اسمين

21- كل ديك على مزبلتوا صياح

22- دايمة بالعز في شاي إلا نفز.

23- هلي بتطبخ منه بتاكل منه.

24- حبسو في كيس مع ابليس ,طلع منه ابليس يستغيث.

25- ابن ادم نصو خلقة ونصوا خرقه.

26-ابنك صغير ربيه وان كبر خاويه.

27- الارض التي ربت حنطة وشعير ما بتربي ها الصغير.

28- دسنا الاراضي التي ما بتنداس وبسنا الايادي التي ما بتنباس.

29- الاستقامة عين الكرامة.

30- يقبر امو لو فتح تمو كان اكل الحكيم وامو.

31 – زيوان حلب ولا حنطة جلب ....

32 – الله يطعمو دار وسيعه ومرا مطيعة ...

33 – لو كان فيا خير ما رماها الطير ....

34 – المونون بقع على راسو جك ....

35 – ما في دخان بلا نار ...

36 – متل قادوس الجب طالع نيزل ...

37 – بعجنا الطبل وعدّينا عن النايات ....

38 - طحّان ما بغبّر على كلاّس ...

39 - الكيل كيل صافي - والرز رز صافي - باكل وبهز كتافي ...

40 - عيف وبياكل مية رغيف ....

41 - قالتلو طلقني وخود أختي قالا ينعن الجوز ...

42 - يضر الأمعاء ولا ينفع الأعداء ...

43 - إلعب بالمقصقص حتى يجي الطيّار ....

44 - يخليلي هالطول متل قرن الفول

45- قالوا للبسمار ليش بتفوت بالحيط ؟ قلن من كتر الدق.

46 – متل أم العروس فاضية و مشغولة.

47- القرعة بتتباها بشعر بنت اختها

48 - سودا ومنكوشة وبتنام من العشا

49- اللي مابشوف بالغربال بيكون أعمى

50مال الحريص بيروح فطيس

51 - غاوي المكنسة بتصير ست النسى

52 - نقّر على دفّك راح الطير من كفّك ....

53 - أبو العبايه ما بناخدو وأبو الجوخة ما بيجينا ....

54 - متل العجور المر كل مين داقو بزقو ......

55-العز للرز والبرغل شنق حالو

56-زل قرشك وعز نفسك

57-الطواية عيرت المقلاية قالتلها اتنيناتنا بالمطبخ

58-قد حزنو وفرحو

59 - ضربتين على الراس بتهد الأساس ...

60 - الطول زينة والعقل تينة ....

61 - عرس أختي يا سعادة بختي ....

62 - يارب شردقني بريقي حتى أعرف عدوي من صديقي ....

63 - إلي ما بتعرف ترقص بتقول الأرض عوجا ....

64- شحاد ومشيرط زبال وشيكل وردة

65- مطبل بالدنيا مزمر بالاخرة

66- نجار وبابو مخلوع

67--لا تاخد صاحب الا بعد خناقه

68-الطاقه االى بيجى منها الريح سدها واستريح

69- نص الكلام ما اله جواب

70-خود الفرس من الفارس

71- عطي الخباز خبزه ولو أكل نصه

72- بنرضّي خدّوج بتزعل إم حسين

73- خنفسه شافت بنتها على الحيط قالتها تقبريني متل اللولية بالخيط

74- ست وجاريتين على قلي بيضتين

75- اللي بدو يصير جمال يعلي باب داره

76- يا كنة اش علاكي جوزك وبيت احماكي

77- الحلوة حلوة من فيقت نومها والبشعة بشعة من طلعت حمامها

78- العنزة الجربانة ما بتشرب إلا من راس العين

79-شخاخ بدو ينام بالنص

80- النوم سلطان

81-بيبخش الضرف حتى ياخد لحسة

82-القملة العرجة تمشي سبع فرشات

83-الغربة كربة.

84 - العريس أخد العروس - والنوباتية أخدو الفلوس - والمعزّمين طلعو متل التيوس

85 - إذا بدك تصون العرض وتلمو - عطي البنت إلي عينا منو ...

86 - كنّس بيتك ما بتعرف مين بدوسو وعسل وجك ( وجهك ) ما بتعرف مين ببوسو .....

87 - إلي ما داق المغراية ما بيعرف إيش الحكاية ....

88-ضربني وبكى وسبقني وشتكى

89-كتر الشد بيرخي

90-الناس أجناس

91خرج الواحد يوكلك بولاده بتموتن من الجوع

92 - ضحك الجوز بين حجرتين .....

93 - يضرني ولا ينفعك ... ( طبعاً مع التحفظ على هذا المثل ) ..

94 - إذا قصيت ضفرك لا تجور عليه بني آدم ما بيعرف إيش مقدّر عليه ..

95 - لا طول بيسند حيط ولا حسن بنوّر البيت ...

96-الضفر ما بيطلع من اللحم

97 -حط راسك بين الروس وقول يا قطاع الروس

98 – صفّي النية ونام بالبرية ....

99 – العاطل إذا جاع سرق وإذا شبع فسق ....

100 - شي مبيّن متل القاق الأبلق...