قصيدة (مصير الجروح تروح)

مصير القلب يتناسى ولابـد الجـروح تـروح
وتسكت بعض أحزاني وينطق سعدي الصامـت



حرام آعيش متفائل ؟! حرام أجمع بقايا روح؟!
حرام أصحّّي آمال ٍ ورا الأضلاع قـد نامـت؟!




تعبت آقول أنا مجروح آنا مجروح أنا مجـروح
أنا مجـروح وحظوظـي تعاندنـي ولا قامـت



أذوق المر فسكاتي وذوق الحنظلة في البـوح
وأشوف الموت لا منّي ذكـرت أيـام مادامـت




طموحاتي / أدوّرها / لقيت (أصغر طموح) ينوح
كسير ومنزوي / خايف تميته نظـرة الشامـت




وسماي اللي بروق السعد فيها من سنين تلـوح
كستها غيمة الفرقى وغربان الاسـى حامـت!




بنيت صْروح لاْحلامي..وأيامي تهـدّ صْـروح
كذبت وقلت:ما رامت..ولكن للأسف رامـت..!!




انا اْهديت الزمن بسمه..وبادل بسمتي بجـروح
ولكنّي على رجـوى تعـوّد فرحـة/ن شامـت




مصير الحظ يضحك لي..ولابد الجروح تْْـروح
وينطق سعدي اللي كم ترقّبتـه وهـو صامـت