يهناك نومك وانا كل ما اغفى صحيت

يهناك نومك و أنت ذيب فراقـك بصـدري عـوى
متولجن حدب الحنايا / وكـل مـا اغفـى صحيـت

يا محرق (ن) كبد (ن) براها البعد و وصالـك دوى
و أنت ادرى مني بحاجتي لوصلك / ومع ذلك سليت


اوجعتني بالصد / شف حالـي مـن الضيقـه ذوى
و إليـا لقمـت الـزاد مـا كنّـي بـزادي أهتنيـت


حسبي عليك الله / كل مـا بـارق دموعـي نـوى
استغفر الله .. ماهو من قلبي دعـاي ولـو دعيـت



ياللي مع ان صدري بسبّة طبعـك القاسـي انكـوى
إلا إني اتجاهـل و انسـى قسوتـك لامـن قسيـت



و مع ان درب الصبر في صدري من الحمل انطـوى
لكنّـي حاولـت و تحمّلتـك علـى كـل مالقـيـت



وعدتني تحمل عنـاي وهـمّ صـدري ومـا حـوى
و وعدتني تبقى معي وتصوننـي / بـس ماوفيـت



و وعدتني اتحبنـي مـن كـل قلبـك فـي الهـوى
ولا ياخذك غيري و لا ترضى بعادي ( بس رضيت )



عشقْـك قلبـن قبـل لا تسكنـه موحشـه الخـوى
و اليوم شفني من عنا همّي و من جـورك شكيـت



كل ما اتذكر عهدنا ( باقـي العمـر نحيـا سـوى )
أقول في نفسي ياريـت انـي لعهـدك مـا شفيـت



و إن كنت مـا تـدري بهـم ٍ منـه الناظـر روى
شفني على سجادتـي مـن قبـل لا أخشـع بكيـت