هاني شاكر - لسة بتسألي

هو انتي لسا بتسألي؟ انتي بالنسبه لي ايه؟
لا لا يا حبيبتي اطمني الجواب عندك لاقيه
لما تجري جوة دمي لما تبقي كل همي
لما اعيش وياكي حلمي تبقي بالنسه لي ايه؟
لما ظلك يبقى ظلي و تبقي اجمل شيء فاضلي ..
و اما اسهرلك تمللي ويا طيفك يبقى ليه؟
لما اتحدى الدنيا عشانك لما اتعذب من أحزانك
لما اوهب لك و انتي مكانك كل اللي انتي بتتمنيه
كل اللي انتي بتتمنيه

لما الاقي الشوق صاحبني و الحنين ليكي غالبني
يبقى ايه اللي غاصبني غير هوى بلاقيني فيه
و اما قلبي يدق دقه من حنين و حنان و رقه
و القى روحي ليكي سابقه عالمكان اللي انتي فيه
و اما اعيش و احلم بدنيا انتي نورها في كل ثانيه
يبقى اي دنيا تانيه مش معاكي تسوى ايه
مش معاكي تسوى ايه؟

لما ثانية تفوت عليا و انتي مش قدام عينيا
كل شيء في الدنيا ديا يبقى صعب وقاسي ليه؟
مش بقولك يا عيوني مستحيل ابدا تهوني
ده انتي احلامي و كوني و الهوى اللي بعيش عليه
ياجنوني و اشتياقي لما بتغرب بلاقي
قلبك انتي وحدو باقي جنب قلبي يخاف عليه
جنب قلبي يخاف عليه

لما بنسى عمري يقبلك و اتولد لحظة ما اقابلك
قلبي يبقى ملك قلبك و الغرام مكتوب عليه
و اما اقولك مهما اقولك برضه مش هاقدر اقولك
انتي على بعضك و كلك احلى حلم حلمت بيه
لسه برضه بتسأليني ده انتي قلبي و انتي عيني
و انتي روحي و نور سنيني عايزة تاني اقولك ايه؟
عايزة تاني اقولك ايه؟ اقولك ايه؟