يالدود شفها ذابله جنبها اناولدها وحاضر افداها

اكرم بالكفـن يـا مطـوع
................... بالبيت ظل فراشهـا وغطاهـا

اكرم عليه بالكفـن هـذي امـي
................... و اشهد عليها في ما عطت يمناها

هذي الضحى والليـل يتحرونهـا
................... هذي السماء و نجومـه تنعاهـا

هذي السوالـف مثلنـا تبكيهـا
................... والارض تنشد عن اثر لخطاهـا

هذي الكبيره كبر هـذي الدنيـا
................... هذي العظيمه جل مـن سواهـا

أبكي عليها مـو نهـار و ليلـه
................... و لا سنه تمشي وأعـد قضاهـا

ابكي كثـر مـا شالتنــــي
................... و كثر الحنين الي اختلط بغناهـا

و كثر الاسامي و كثر من سموها
................... و كثرالنجوم و كثر من يرعاهـا

ابكي عليها من القهر يـا دنيـا
................... مـن لـي انـا عقـب فرقاهـا

من فتحت عينـي و لا خلتنـي
................... و شوفوا ولدها بالقبـر خلاهـا !!

هلّ التراب بوجهـا مـا قصـر
................... شفتوا ولدها كيف هـو جازاهـا !!

لو انهـا مكانـي مـا سوتهـا
................... لكـن اعـز عيالهـا سـواهـا

يا الدود شفها ذابله جنبها
................... انا ولدهـا و حاضـر وأفداهـا

قطعني هاك الي تبي من جسمـي
................... بس الكريمـه لا تجـي بحذاهـا

وأوصيك أمانه قلها تعذرني
................... و تكفى تروح تحب لي ماطاهـا

ابيها تغفر لي مثـل مـا كانـت
................... كل خمله منهي بطيبهـا ترفاهـا

يالله عساهـا بالنعيـم الخـالـد
................... و عساها في جنة عدن سكناهـا

يا فضو هذا الكون يا هو خالـي
................... يا ضيق هذي الدنيا يا مقساهـا

يا مر طعـم فراقهـا يـا مـره
................... ماني مصـدق ارجـع ومالقاهـا

وشلون اجي غرفتها ما هي فيها
................... وش عذري لسبحتها ومصلاهـا

وش اقـول انـا لدولابهـا وشنطتها
................... واذا سألني مشطها وحناها وعباتهـا

ومي زمزم ومصحفها والمبخـره
................... ورشـوشـهــا و دواهــــا

الكـل فـي غرفتهـا متفقدهـا
................... حتى الجدار متفطـر ويرجاهـا

الكـل يبكيهـا مهـو ناسيـهـا
................... يالله صبرني و شلـون أنساهـا

ياليتهـا مـاراحـت وخلتـنـي
................... او وسعت لـي بالقبـر وياهـا