تميز افضل نكته في قسم نكت لهذا الشهر

--------------------------------------------------------------------------------

بسم الله الرحمن الرحيم



اعزائي اعضاء منتدى حياة اربد


كما اعتدنا في نهاية كل شهر وجود مميز للقسم

لكن في هذا الشهر ما في عنا متميز عنا جميع مستلزمات المطبخ

بصراحة ما بدي اميز حد

انا المميز لهاد الشهر

بدون ضرب ماشي

بدي احكيلكم قصة قبل النوم الاول

كان في بنت مغرورة وشايفة حالها

عمرها 17 سنة و67 يوم و5 ساعات و54 دقيقة و10 ثواني

ساكنة في حارة الضبع في الزرقاء

كانت كل يوم تضرب ولاد وبنات حارة الضبع

وخاصة ولد صغير اسمو معتز

كل ما تشوفو ماشي بالحارة ومعاه سنويشة من عند ابو السعيد

توخد السنويشة وتضربه

وترجع تتمشى في الحارة بحثا عن ضحية جديدة

وفي يوم من الايام كانت ماشية بشارع الحارة الرئيسي

قدام صالون ابو عصام للرجال شافها معتز وقرر انو يسد ضربته منها

فجمع قبضايات الحارة واستناها عند اللفة منشان يضربها

لما وصلت اللفة هجم معتز وقبضايات الحارة وكونو دائرة مربعة الشكل حولها

وطلع معتز ساحب خنجر منشان يطخها

لكن محاولته كانت فاشلة لانو ابو غالب انسحر بجمال المغرورة

فقرر انو ينقذها من ايادي معتز ونط بينهم وصرخ صرخته المعهودة :

بليلة بلبلوكي وبالشبشب ضربوكي

فشلح شبشبه ولحق القبضايات لغاية لما هربو

ورجع عند المغرورة يسبل بعيونو خجلان من المغرورة

وطلع بليلة من سلته ولفهم بورقة دفتر محاضرات

اعطاهم للمغرورة وهرب خجلان

كملت المغرورة طريقها لحارة ابو النار

وهي بتمزمز على البليلة لما خلصت عليها

ولما اجت ترمي الورقة لفت انتباها اشي مكتوب على الورقة

قرأت الورقة وكان مكتوب عليها ما يلي :

عزيزتي المغرورة . . .

طول عمري بشوف البليلة وبتذكرك

مع كل حبة بليلة بقول حبيتك

سحرتني ريحة عطرك الي بتذكرني بالبليلة

مش قادر اقدر اتحمل من اليوم وطالع

تتزوجيني ؟

المخلص : ابو غالب


المشكلة كان المكتوب على ظهر الورقة

الي كانت رسالة من عقيد قسم نكت وتسليه وسام الحب

شكرا يا غالي على المرور وانشاء تكون نالت اعجابك