الكشره مع الشعب الاردني

أسباب كشرة الاردني
لو تتبعنا سيرة حياة الاردني من قبل ما ينولد رح نلاقي المشاكل لاحقته من اول ما فكر ابوه وامه بالارتباط وهذا سبب كشرته الازلية
مشكلة في اقناع ام العريس بالبنت وعيلتها عن جنب وطرف
مشكلة في اقناع ام العروس بأم العريس
مشكلة عند تحديد المهر وخلافه والكل بيزيح النار على قرصاته
حتى عند موعد فحص الدم للعروسين مين بده يطلع مع العريس والعريس غير عن المقاهرة بين الحموات احنا ما فيناش امراض واحنا دمنا صافي واحنا دمنا احمر نقي
واحنا دمنا ما عليه حكي

وتبدأ مرحلة القصف الفعلي والقى ياللي بتلقى
المشكلة الرابعة عند شراء الذهب
ام العروس لدّي اشتري كل اللي نفسك فيه واللي ما بيطلع مع العروس ما بيلحقها
ام العريس دير بالك يما يضحكوا عليك هاي امها مش قليلة ورح تشلحك تشليح
المشكلة الخامسة بعد العقد بتوزيع الكنافة اتهام ام العروس انها خبّت الكنافة واتهام اهل العريس انهم ما جابوا كنافة تكفي الجميع
غير يقطعهم ويقطع هالكنافة بايتة وما عليها طعمة
حلقات مسلسل المشاكل تمتد طيلة فترة الخطبة مسكتكوا ومسكتك ومسكتها
وكل قطعة اثاث وكل صحن وطنجرة بهوشة
وصلنا ليوم العرس والمشكلة اللي ما بتعجبك خذ غيرها وما بوصل العرسان لكرسي الصمدة الا وكشرتهم بتقطع الخلفة
ومع هيك بيخلفوا وبتحمل ام كشرة من ابو كشرتين
ويا ويلها اذا توحمت وداخت
بتبلش حماتها خلفت اربعطعش ولا توحمت ولا تغنجت ولا تطنجت شو هالمرة مثل بسكوت الشاي
بتروح ام كشرة تولد والكل قدامها مكشر وبيتنفتر الممرضة والقابلة وكاتب السجل حتى عاملة التنظيف قرفانة عيشتها
بينزل الولد ابو كشيرة وبتتلقفه داية مكشرة وبهذاك الكف على خلفيته قال علشان يصرخ ومن هون بتبدا رحلته مع الكشرة
علامة الجودة الاردنية
اذا دلعه ابوه بيمسكه ابوه من اذانه وبيقول له بدي اياك زلمة ورجيني الكشرة 11 111 1111
ايوه هيك لا تنسى اوضاع الكشرة كلها
بيكبر الزغير وما بيلاقي قدامه الا الكشرات
في البيت في الشارع عند جدوده بالمدرسة بالسوق الكل بيتنافس مين كشرته الها وجاهة اكثر
وتعلم ابو كشرة الدرس ودايما حاط ايده على قلبه ومستعد لكل الاحتمالات
اذا ارتفع النفط او نزل بيكشر
اذا زادوا الراتب بيكشر
اذا دعموا الكاز بيكشر اذا دعموا الاعلاف بيكشر
اذا اجا الصيف مكشر واذا دخلت الشتوية مكشر
اذا بيحب مكشر واذا ترك حبيبته مكشر اذا نزل المطر مكشر واذا نشفت مكشر
اذا رغيف الخبز ساخن مكشر واذا جافر مكشر
اذا الخلاصة ان الجينات الوراثية تأثرت بحالة ابو كشرة وام كشرة
من ساعة الاخصاب

وما اتاخدونا ...... المجروح

أولاااااااا
مشكـــور
ثانياااا
الكشره انولدة معنا
ووعينا على الدنيا كلها مكشره بوجوهنا
شو بدك أحلا من هيك
كشرههههههههههه

مشكووووورين على المرور

هلا عمي

وتعلم ابو كشرة الدرس ودايما حاط ايده على قلبه ومستعد لكل الاحتمالات

والله يا خوي اذا اسم بحرنا ميت
واسم النبته المفضله السوسنه السوداء
والاسماء المفضله عند الاردنيه/ متعب/ طراد/ زعل/مهاوش
وطبختنا المفضله المنسف بمجرد النضر عليه بتعب

وبدك يانا نضحك

يسلمووووووو

شكرا مجروح فعلاً موضوع نقاش مهم
هذا الواقع عنا وبالمجتمع العربي بشكل عام مش بسبالأردن وام سبب مادي ثم الكل بدو يتفاخر انا جبت هاك وهملت هاك.

باختصاؤ عم بندور على المظاهر وغير هامك مش عم بنفكر

مشكووووووووووووورين للمرور